გიორგი ბერიძემ ზამთრის სატრანსფერო პერიოდში თურქული "ქოჯაელისპორი" დატოვა და თავისუფალი აგენტია. როგორც ცნობილი ხდება ქართველმა ფეხბურთელმა საფეხბურთო კარიერა შესაძლოა "უიპეშტში" გააგრძელოს.

აღნიშნულ ინფორმაციას უნგრული გამოცემა nemzetisport-ი ავრცელებს. წყაროს ცნობით ბერიძე გულშემატკივრებმა პარასკევს ბუდაპეშტის ქუჩებში შენიშნეს და გამოცემა ვარაუდობს, რომ შესაძლოა ქართველმა ფეხბურთელმა სამედიცინო შემოწმება "უიპეშტში" დღეს გაიაროს.

ბერიძე „უიპეშტში“ 2018-2019 და 2020-2022 წლებში თამაშობდა, მან უნგრული კლუბის მაისურით 89 შეხვედრაში 32 გოლი გაიტანა.

27 წლის ქართველი „ქოჯაელისპორში“ 2023 წლიდან თამაშობდა, სადაც 43 მატჩში 7 გოლი გოლი გაიტანა. მას ასევე უთამაშია „ანკარაგუჯუში“, „ლოკერენში“, „გენტში“, „ტრენჩინში“, „ზესტაფონსა“ და „დილაში“, ხოლო საქართველოს ნაკრებში 8 მატჩში 1 გოლი აქვს გატანილი.