სანაკრებო თამაშების პარალელურად მატჩები იმართება ევროპული ქვეყნების რანგით დაბალ ლიგებში. პორტუგალიის სეგუნდა ლიგაში მეათე ტურის მატჩები ჩატარდა. გიორგი მაკარიძის “ფეირენსემ” გასვლით შეხვედრაში “ტროფენსე” დაამარცხა (0:3).

მიუხედავად იმისა, რომ გასულ ტურებში ქართველი მეკარე მუდმივად მოედანზე იყო, დღეს განაცხადში არ იმყოფებოდა.

თამაშზე გავლენა საწყისმა წუთებმა მოახდინა. პირველი ტაიმის მე-15 წუთზე არბიტრმა მასპინძელთა ფეხბურთელი ბრაიან რიასკო გააძევა. პირველი ტაიმის მიწურულს მაკარიძის თანაგუნდელმა ჟესუსმა პენალტით ანგარიში გახსნა, ხოლო 70-ე წუთზე თერთმეტმეტრიანი კვლავ ზუსტად გამოიყენა. რამდენიმე წუთში იმავე ჟესუს მესამე თერთმეტმეტრიანის გატანა შეეძლო, თუმცა შანსი ვერ გამოიყენა.

მატჩის მიერ დამატებულ წუთზე როდრიგესმა საბოლოო ანგარიში დააფიქსირა.

24-გუნდიან ჩემპიონატში “ფეირენსე” 7 ქულით 23-ე ადგილზეა.