„პარი სენ-ჟერმენის“ მთავარმა მწვრთნელმა ლუის ენრიკემ „შტუტგარტთან“ მატჩის შემდეგ უსმან დემბელეს ჰეთ-თრიქზე კომენტარი გააკეთა.
როგორც მან თქვა, ეს ჩვეულებრივი მოვლენაა და შეიძლება მომავალში ჰეთ-თრიქი სხვა შემტევმა შეასრულოს, მაგალითად, ხვიჩა კვარაცხელიამ.
„დემბელეს ჰეთ-თრიქი? ეს საფეხბურთო გუნდია. არის შემთხვევები, როცა თავდამსხმელები ასე თამაშობენ, მაგალითად, სეზონის დასაწყისში ეს ბარკოლამ გააკეთა, ახლა დემბელემ. მომავალში შეიძლება ჰეთ-თრიქი რამოშმა, ლიმ ან კვარაცხელიამ შეასრულოს. „ბრესტი“ თუ „მონაკო“ პლეი-ოფში? მზად ვართ ნებისმიერის წინააღმდეგ ვითამაშოთ“, - თქვა ლუის ენრიკემ.
შეგახსენებთ, რომ პსჟ ჩემპიონთა ლიგის პლეი-ოფში აუცილებლად ფრანგულ მეტოქეს დაუპირისპირდება, „მონაკოს“ ან „ბრესტს“, ხოლო მერვედფინალში გასვლის შემთხვევაში, რისი შანსიც დიდია, უფრო ძლიერი მეტოქე ეყოლება - „ბარსელონა“ ან „ლივერპული“.
