ფიგურულ ციგურაობაში ევროპის ჩემპიონატი მიმდინარეობს, სადაც მოკლე პროგრამის შემდეგ ანასტასია გუბანოვა ლიდერია.

ტალინში მიმდინარე კონტინენტის პირველობაზე მოკლე პროგრამაში 31 სპორტსმენი გამოვიდა, სადაც საუკეთესო შედეგი გუბანოვამ აჩვენა, რომელმაც 68.99 ქულა დაიმსახურა. ანასტასიას 37.31 ქულა ტექნიკურ კომპონენტებში, ხოლო პროგრამულში 31.68 ქულა ერგო.

თავისუფალ პროგრამაში შეჯიბრი 31 იანვარს, თბილისის დროით 20:00 საათზე გაიმართება.

აქვე გეტყვით, რომ ევროპის ჩემპიონატზე ანასტასია გუბანოვას კარიერაში თითო ოქრო-ვერცხლის მედალი აქვს მოპოვებული, შესაბამისად, 2023 და 2024 წლებში.