„ნაპოლი“ ფლორენციის „ფიორენტინადან“ ნიჭიერი ცენტრალური მცველის, პიეტრო კომუცოს შეძენაზე მუშაობს.
კლუბებს შორის მოლაპარაკებები მიმდინარეობს და დიდი შანსია, რომ გარიგება შედგეს. „ფიორენტინა“ 19 წლის მცველში 40 მილიონ ევროს ითხოვს, მაგრამ 30 მილიონისა და ბონუსის შემთხვევაში, შესაძლოა, ტრანსფერი განხორციელდეს.
კომუცო იტალიაში ერთ-ერთ ყველაზე ნიჭიერ მცველად მიიჩნევა და მიმდინარე სეზონში „იების“ ძირითად შემადგენლობაში დამკვიდრება მოახერხა. მან დღემდე „ფიორენტინაში“ 30 უგოლო მატჩი ჩაატარა.
