„ლიონიდან“ მთავარი მწვრთნელი პიერ საჟი დაითხოვეს. ამჯერად ეს ინფორმაცია ოფიციალურად დადასტურდა.

პიერ საჟის გათავისუფლების მიზეზი წარუმატებელი შედეგებია, „ლიონს“ ბოლო 5 მატჩი არ მოუგია. დიდი ალბათობით, მას პაულუ ფონსეკა შეცვლის, რომელიც თავის მხრივ ზუსტად ერთი თვის წინ „მილანიდან“ დაითხოვეს. ასე რომ, გიორგი მიქაუტაძეს ფრანგულ კლუბში ახალი მწვრთნელი ეყოლება.

„ლიონი“ ლიგა 1-ში 19 ტურის შემდეგ 30 ქულით მეექვსე ადგილზეა, საფრანგეთის თასს მეხუთე დივიზიონის გუნდთან მარცხით გამოეთიშა, ხოლო ევროპა ლიგაზე 7 ტურის შემდეგ 14 ქულით მე-5 პოზიციაზეა.