პსჟ-ის მეკარემ, ჯანლუიჯი დონარუმამ ჩემპიონთა ლიგის საერთო ეტაპის მე-7 ტურის მატჩში „მანჩესტერ სიტისთან“ გამარჯვების (4:2) შესახებ ისაუბრა.

„წარმოუდგენელი გრძნობაა. ორი გოლის გაშვების შემდეგ ცოტა ვნერვიულობდი, რომ გუნდი შეიცვლებოდა. მაგრამ მადლობა გულშემატკივრებს, რადგან მათ მხარდაჭერას ვგრძნობდით მთელი 90 წუთის განმავლობაში და ეს ფანტასტიკურია. ეს გამარჯვება გულშემატკივრებისთვის და მთლიანად პსჟ-სთვისაა. ჩვენ დიდი ძალისხმევა ჩავდეთ, თქვენ ეს მოედანზე ნახეთ. გუნდმა შესანიშნავი მატჩი ჩაატარა და ეს დამსახურებული გამარჯვება იყო.

იგივე სულისკვეთებით გავაგრძელებთ, რადგან ყველაფერი ჯერ არ დასრულებულა, წინ კიდევ ერთი მნიშვნელოვანი მატჩია ჩემპიონთა ლიგაზე. დღეს ჩვენ ვისიამოვნებთ ამ მომენტით და შემდეგ ყურადღებას გავამახვილებთ ლიგა 1-სა და ჩემპიონთა ლიგაზე“, - ციტირებს დონარუმას სიტყვებს პსჟ-ის ოფიციალური ვებ-გვერდი.

საეეთო ეტაპის ბოლო ტურში პსჟ „შტუტგარტს“ დაუპირისპირდება. მატჩი 29 იანვარს გაიმართება.