ინგლისის ნაკრების ყოფილმა შემტევმა ალან შირერმა „მანჩესტერ იუნაიტედის“ თამაშებზე ჟურნალისტებს აზრი გაუზიარა.

„ისინი ახლა მართლაც უარესები არიან, ვიდრე ტენ ჰაგის დროს იყვნენ. ეს იმიტომ, რომ ამორიმს სურს თავისი სისტემით თამაში. „იუნაიტედის" ფეხბურთელები ვერ ითამაშებენ ისე, როგორც მას უნდა. მათ უბრალოდ არ შეუძლიათ ამის გაკეთება", - ციტირებს შირერის სიტყვებს The Rest Is Football.

22 მატჩის შემდეგ „მანჩესტერ იუნაიტედი“ პრემიერლიგის სატურნირო ცხრილში 26 ქულით მე-13 ადგილზეა.

შეგახსენებთ, რომ ბოლო მატჩში „მანჩესტერ იუნაიტედი“ საკუთარ მოედანზე „ბრაიტონთან“ 1:3 დამარცხდა.