„უოტფორდის“ მთავარმა მწვრთნელმა ტომ ქლევერლიმ გიორგი ჩაკვეტაძე კიდევ ერთხელ შეაქო.

მისი თქმით, „დერბისთან“ ტრავმირებული ჩაკვეტაძე კარგად შეცვალეს, მაგრამ ეჭვგარეშეა, რომ „უოტფორდი“ ჩაკვესთან ერთად უფრო ძლიერია, ვიდრე მის გარეშე:

„ჩემი აზრით, ბიჭებმა ჩაკვეტაძის არყოფნა გუნდს არ დაატყვეს და კარგად შეცვალეს. როკომ ძალიან კარგად შეასრულა თავისი საქმე, დავინახეთ, რომ კარგი ვარიანტები გვაქვს, თუ გიორგი ფორმაში არაა ან დასვენება სჭირდება, მაგრამ ნუ ვიკამათებთ, გიორგისთან ერთად უკეთესი გუნდი ვართ და ის ლიგის ერთ-ერთი საუკეთესო ფეხბურთელია. მიხარია, რომ მისმა სკანირებამ დადებითი სიახლე აჩვენა“, - თქვა ქლევერლიმ.

შეგახსენებთ, რომ გიორგი ჩაკვეტაძეს ჩემპიონშიფის მიმდინარე სეზონში 26 მატჩში 2 გოლი აქვს გატანილი, ხოლო ხუთჯერ საგოლე პასი მიითვალა.