ესპანეთის ლა ლიგის მე-20 ტურში „ვალენსიამ“ „სოსიედადს“ უმასპინძლა და ნანატრი გამარჯვება მოიპოვა.
დაძაბული შეხვედრის ბედი უგო დუროს ერთადერთმა გოლმა გადაწყვიტა, რომელმაც თავი 26-ე წუთზე გამოიჩინა და დარჩენილ დროში „ღამურებმა“ უპირატესობის შენარჩუნება მოახერხეს.
გიორგი მამარდაშვილმა 3 სეივი მიითვალა და გუნდის გამარჯვებაში დიდი წვლილი შეიტანა. ქართველმა მეკარემ ლა ლიგის მიმდინარე სეზონში მეოთხედ შეძლო კარის მშრალად შენახვა.
„ვალენსიამ“ ლა ლიგაში 23 ნოემბრის შემდეგ პირველად მოიგო და 7-მატჩიანი მოუგებელი სერია როგორც იქნა, შეწყვიტა.
„ვალენსიამ“ ამ გამარჯვებით ბოლო ადგილს თავი დააღწია, 16 ქულით მე-19 ადგილზეა და მომდევნო ტურში 26 იანვარს, „ბარსელონას“ სტუმრად შეხვდება.
