ხვიჩა კვარაცხელია "ნაპოლის" დაემშვიდობა, ძალიან ემოციური ვიდეო კლიპით, რომელიც მან სოციალურ ქსელში გამოაქვეყნა.

ქართველმა ფეხბურთელმა ნეაპოლელ გულშემატკივრებს მიმართა, მადლობა გადაუხადა განვლილი პერიოდისთვის, თქვა, რომ ახლა დამშვიდობების დროა, მაგრამ ერთ დღესაც მათ ყველაფერს მოუყვება.

მოკლედ, ისეთი ემოციური ვიდეოა, რომელიც აუცილებლად უნდა ნახოთ.

შეგახსენებთ, რომ ხვიჩა კვარაცხელია „ნაპოლიში“ 2022 წელს გადავიდა და მას შემდეგ 107 მატჩში 30 გოლი გაიტანა, ხოლო 24-ჯერ საგოლე პასი მიითვალა. მან 2023 წელს სკუდეტო მოიგო, სერია A-ში 2022-2023 წლების სეზონის საუკეთესო ფეხბურთელი, ხოლო ჩემპიონთა ლიგაზე საუკეთესო ახალგაზრდა ფეხბურთელი გახდა. ხვიჩამ 4-ჯერ მიიღო სერია A-ში თვის საუკეთესო ფეხბურთელის ჯილდო, 2022-2023 წლების სეზონში იტალიის ჩემპიონატის საუკეთესო გოლის ავტორიც კვარა გახდა.

კვარაცხელიამ „ნაპოლიში“ ბოლო მატჩი 29 დეკემბერს, „ვენეციასთან“ ჩაატარა, ბოლო გოლი 29 ოქტომბერს, „სან სიროზე“ „მილანს“ გაუტანა.

ხვიჩა კვარაცხელია სულ მალე "პარი სენ-ჟერმენთან" კონტრაქტს 2029-წლამდე გააფორმებს.