ცნობილმა საფეხბურთო ინსაიდერმა ფაბრიციო რომანომ „მანჩესტერ იუნაიტედის" გარემარბის ალეხანდრო გარნაჩოს იტალიურ „ნაპოლიში" შესაძლო ტრანსფერის შესახებ დაწერა.
„გარნაჩო „ნაპოლისთვის“ ოცნებასავითაა. ის არის ფეხბურთელი, რომელსაც კლუბში ძალიან აფასებენ. მაგრამ ამავე დროს, ისინი რეალისტები არიან და ესმით, რომ „მანჩესტერ იუნაიტედი“ დიდ ფულს მოითხოვს გარნაჩოსთვის და გარიგება მათ მხოლოდ 35-40 მილიონი ევრო არ დაუჯდებათ.
ასე რომ, ყველაფერი დამოკიდებულია „ნაპოლის“ ბიუჯეტზე და მათ სურვილზე დიდი ფული დააბანდონ. ანტონიო კონტე შეყვარებულია გარნაჩოზე, მწვრთნელი არგენტინელის დიდი გულშემატკივარია, მაგრამ ამ წუთებში „ნაპოლი“ ფხიზელად აფასებს სიტუაციას“, - წერს რომანო სოციალურ ქსელში.
მანამდე გავრცელდა ინფორმაცია, რომ „ნაპოლი“ ხვიჩა კვარაცხელიას პოტენციურ შემცვლელად ალეხანდრო გარნაჩოს განიხილავს.
