„პარი სენ-ჟერმენში“ ხვიჩა კვარაცხელიას ტრანსფერი გადაწყდა. როგორც RMC Sport-ი იტყობინება, დღეს საბოლოო შეთანხმება შედგა და ყველა დეტალი გაირკვა.

როგორც ცნობილი ხდება, ხვიჩა კვარაცხელია პარიზში დღეს გაფრინდება, სადაც სამედიცინო შემოწმებას გაივლის და ტრანსფერი ოფიციალურად დადასტურდება. ქართველმა ფეხბურთელმა საფრანგეთში გამგზავრებამდე ნეაპოლში მდებარე დიეგო მარადონას მურალს ესტუმრა, სადაც გულშემატკივრები მატჩამდე მიდიან.

შეგახსენებთ, რომ ხვიჩა კვარაცხელია „ნაპოლიში“ 2022 წელს გადავიდა და მას შემდეგ 107 მატჩში 30 გოლი გაიტანა, ხოლო 24-ჯერ საგოლე პასი მიითვალა. მან 2023 წელს სკუდეტო მოიგო, სერია A-ში 2022-2023 წლების სეზონის საუკეთესო ფეხბურთელი, ხოლო ჩემპიონთა ლიგაზე საუკეთესო ახალგაზრდა ფეხბურთელი გახდა.