„ვალენსია“ ესპანეთის თასის მეოთხედფინალში გავიდა. კარლოს კორბერანის გუნდმა ქვედალიგელი „ოურენსე“ მერვედფინალურ ეტაპზე სტუმრად 2:0 დაამარცხა.
მეორე ტაიმის დასაწყისში „ღამურები“ მეტოქის მცველის ავტოგოლით დაწინაურდნენ, ხოლო მატჩის მიწურულს უმარ სადიქმა სხვაობა ორამდე გაზარდა და საბოლოო ანგარიში დააფიქსირა.
გიორგი მამარდაშვილს არ უთამაშია, რომელიც განაცხადში არ იყო, ესპანეთის თასზე და მით უფრო, დაბალი დონის მეტოქესთან ქართველ მეკარეს ასვენებენ.
„ვალენსიას“ მეტოქე ესპანეთის თასის მეოთხედფინალში მოგვიანებით წილისყრით გაირკვევა.
