„პარი სენ-ჟერმენის“ მწვრთნელმა ლუის ენრიკემ ხვიჩა კვარაცხელიას მოსალოდნელ ტრანსფერზე კომენტარის გაკეთებისგან თავი შეიკავა.

როგორც ესპანელმა აღნიშნა, ურჩევნია, რომ იმ ფეხბურთელებზე ისაუბროს, რომლებიც ამჟამად პსჟ-ს წევრები არიან.

„მომწონს ფეხბურთელებზე საუბარი, რომლებიც ჩემს შემადგენლობაში არ არიან, მაგრამ ამას არ გავაკეთებ. მხოლოდ პსჟ-ს ფეხბურთელებზე შემიძლია ვისაუბრო“, - აღნიშნა ლუის ენრიკემ „ესპალისთან“ სათასო მატჩისწინა პრესკონფერენციაზე.

შეგახსენებთ, რომ „პარი სენ-ჟერმენში“ ხვიჩა კვარაცხელიას ტრანსფერი გადაწყვეტილია, რომელსაც დაახლოებით 75 მილიონ ევროდ შეუერთდება და კონტრაქტს 2029 წლის ზაფხულამდე გააფორმებს.