ტურინის „იუვენტუსი“ „ვიტორია გიმარაეშიდან“ 21 წლის მარჯვენა მცველს, ალბერტო კოშტას დაიმატებს. ტრანსფერზე შეთანხმება უკვე მიღწეულია.

კოშტა იტალიაში სულ მალე ჩავა და კონტრაქტს 2029 წლამდე გააფორმებს.

კოშტას ტრანსფერი „იუვენტუსს“ 12 მილიონი ევრო დაუჯდა. ფეხბურთელის შეძენას ლისაბონის „სპორტინგიც“ ცდილობდა, მაგრამ ტურინელთა შეთავაზება „გიმარაეშისთვის“ უფრო მისაღები აღმოჩნდა.

მიმდინარე სეზონში ნიჭიერმა მცველმა ყველა ტურნირზე 21 მატჩში 1 გოლი გაიტანა და 3 საგოლე პასი მიითვალა.