„ნაპოლის“ „მანჩესტერ იუნაიტედიდან“ ალეხანდრო გარნაჩოს შეძენა სურს, რომელსაც იტალიელები ხვიჩა კვარაცხელიას შემცვლელად განიხილავენ.

ანტონიო კონტეს პირველი არჩევანი სწორედ 20 წლის არგენტინელი შემტევია, რომელიც დაახლოებით 50 მილიონი ევრო ღირს. ფაბრიციო რომანოს ცნობით, „მანჩესტერ იუნაიტედი“ მზადაა მოლაპარაკებებისთვის გაიხსნას, თუმცა, ჯერჯერობით, სხვა დეტალები უცნობია.

ალეხანდრო გარნაჩო „მანჩესტერის“ აღზრდილია, რომლის მთავარ გუნდში 115 შეხვედრაში 23 გოლი აქვს გატანილი.