დასრულდა იტალიის სერია A-ს მე-20 ტურის შაბათის სათამაშო დღის გვიანი მატჩი, რომელშიც ერთმანეთს „მილანი“ და „კალიარი“ დაუპირისპირდნენ. შეხვედრა ფრედ, ანგარიშით 1:1 დამთავრდა.

51-ე წუთზე „მილანის“ თავდამსხმელმა ალვარო მორატამ გახსნა ანგარიში. „კალიარის“ საპასუხო გოლი ოთხი წუთის შემდეგ ნახევარმცველმა ნადირ ცორტეამ გაიტანა - 1:1.

20 მატჩის შემდეგ, „მილანი“ სერია A-ში 28 ქულით მე-8 ადგილზეა. „კალიარი“ ანალოგიური თამაშების შემდეგ 18 ქულით მე-18 ადგილზე.

მანამდე ვერ მოიგო „იუვენტუსმა.“ „ატალანტამ“ კი მნიშვნელოვანი ქულები დაკარგა სტუმრად „უდინეზესთან” (0:0) და ლიდერ „ნაპოლის“ ორი ქულით ჩამორჩება.

შეგახსენებთ, ხვიჩა კვარაცხელიას „ნაპოლი“ 12 იანვარს შეხვდება „ვერონას.“ მატჩი ნეაპოლში გაიმართება და თბილისის დროით 23 საათსა და 45 წუთზე დაიწყება.

იტალია. სერია A. მე-20 ტური. 11 იანვარი: ემპოლი - ლეჩე 1:3, უდინეზე - ატალანტა 0:0, ტორინო - იუვენტუსი 1:1, მილანი - კალიარი 1:1