იტალიური სერია A-ს მე-20 ტურის მატჩში „ტორინომ“ „იუვენტუსს“ უმასპინძლა. შეხვედრა ფრედ, 1:1 დასრულდა.

ანგარიში „იუვენტუსის“ თურქმა შემტევმა, კენან ილდიზმა გახსნა. პირველი ტაიმის ბოლოს კი „ტორინოს“ ხორვატმა, ნიკოლა ვლაშიჩმა გაათანაბრა.

საინტერო ეპიზოდი მოხდა 55-ე წუთზე. ტორინოს ფრანგი იან კარამო საჯარიმოს ხაზთან წააქციეს, მსაჯმა ჯარიმა არ დანიშნა და ამას ფეხბურთელ-მწვრთნელებს შორის გაწევ-გამოწევა მოჰყვა, შედეგად მსაჯმა ორივე გუნდის მთავარი მწვრთნელი გააძევა სათადარიგოთა სკამიდან. ტორინოს პაოლო ვანიოლი და იუვენტუსის ტიაგო მოტა.

ახლა „იუვენტუსმა“ 33 ქულა დააგროვა და ცხრილში მე-5 ადგილზეა. 22-ქულიანი „ტორინო“ კი მე-11-ზე.

მანამდე „ატალანტამ“ მნიშვნელოვანი ქულები დაკარგა სტუმრად „უდინეზესთან” (0:0) და ლიდერ „ნაპოლის“ ორი ქულით ჩამორჩება.

შეგახსენებთ, ხვიჩა კვარაცხელიას „ნაპოლი“ 12 იანვარს შეხვდება „ვერონას.“ მატჩი ნეაპოლში გაიმართება და თბილისის დროით 23 საათსა და 45 წუთზე დაიწყება.

იტალია. სერია A. მე-20 ტური. 11 იანვარი: ემპოლი - ლეჩე 1:3, უდინეზე - ატალანტა 0:0, ტორინო - იუვენტუსი 1:1, მილანი - კალიარი მოგვიანებით გაიმართება