„ჰაიდენჰაიმის“ მთავარმა მწვრთნელმა ფრანკ შმიდტმა „უნიონ ბერლინთან“ მატჩამდე პრესკონფერენცია გამართა.

მას შეკითხვა ბუდუ ზივზივაძესაც დაუსვეს, კერძოდ, იქნება თუ არა, ქართველი ფორვარდი ძირითად შემადგენლობაში:

„გასაგებია, რომ ახალწვეულებისგან სწრაფი დახმარება გვჭირდება. ბუდუ თავისი ასაკისა და გამოცდილების გამო დაუყოვნებლივ დაგვეხმარება, ფრანს კრატციგის შემთხვევაში კი, მარცხენა ფლანგზე კონკურენცია იზრდება. ხვალ გამოჩნდება, იქნებიან თუ არა, ისინი ძირითად შემადგენლობაში“, - თქვა შმიდტმა.

შეგახსენებთ, რომ ბუდუ ზივზივაძე „ჰაიდენჰაიმს“ 10 დღის წინ შეუერთდა და „უნიონ ბერლინთან“ მას დებიუტი ექნება, არა მარტო ახალ გუნდში, არამედ ბუნდესლიგაში. მატჩი 11 იანვარს, თბილისის დროით 18:30 საათზე გაიმართება.