„ტოტენჰემ ჰოთსფურის“ ნახევარმცველმა როდრიგო ბენტანკურმა, რომელმაც „ლივერპულთან“ ლიგის თასის პირველ ნახევარფინალურ მატჩში (1:0) სერიოზული ტრავმა მიიღო, სოციალურ ქსელში ფოტო გამოაქვეყნა, სადაც საავადმყოფოში ყოფნის შემდეგ თავის მდგომარეობაზე საუბრობს.

„ყველაფერი კარგადაა! მადლობა შეტყობინებებისთვის! გილოცავთ გამარჯვებას", - დაწერა ბენტანკურმა სოციალურ ქსელში.

შეგახსენებთ, რომ მატჩის მეშვიდე წუთზე, კუთხურის დროს, ბენტანკური უხერხულად დაეშვა კისერზე და დაშავდა. ფეხბურთელმა დამოუკიდებლად ადგომა ვერ შეძლო და ექიმებმა ფეხბურთელი საკაცით გაიყვანეს მინდვრიდან. მატჩის დროს მომხდარი პაუზა 10 წუთს გაგრძელდა.