საუდურ ჯიდაში ესპანეთის სუპერთასის ნახევარფინალში ერთმანეთს ბილბაოს „ატლეტიკი“ და „ბარსელონა“ დაუპირისპირდნენ. თამაში კატალონიელთა გამარჯვებით 2:0 დასრულდა.

მატჩში ანგარიში მე-17 წუთზე გაიხსნა, გოლი „ბარსელონას“ ნახევარმცველმა გავიმ ალექს ბალდეს პასით გაიტანა. 53-ზე ლამინ იამალმა გავის პასით კატალონიური კლუბის უპირატესობა გაზარდა. 86-ე წუთზე „ატლეტიკის“ ნახევარმცველმა ინაკი უილიამსმა ერთი საპასუხო ბურთი შეაგდო, მაგრამ ვიდეო განმეორების ნახვის შემდეგ გოლი გაუქმდა.

შედეგად „ბარსელონა“ ესპანეთის სუპერთასის ფინალში გავიდა, რომელიც 12 იანვარს გაიმართება. კატალონიური კლუბის მეტოქე ხუთშაბათს, 9 იანვარს, მადრიდის „რეალისა" და „მალიორკას" მატჩში გაირკვევა.