საუდის არაბეთის კლუბები აპირებენ გადაიხადონ 30 მილიონი ევრო „მანჩესტერ იუნაიტედის” ნახევარმცველ კაზემიროში, ამის შესახებ ჟურნალისტი და ინსაიდერი ბენ ჯეიკობსი სოციალურ პლატფორმა X-ზე (ყოფილი ტვიტერი) წერს.

წყაროს ცნობით, თავად ბრაზილიელი არ არის ინგლისური კლუბის დატოვების წინააღმდეგი და ღიაა ერთ-ერთ საუდურ კლუბში გადასვლის იდეისთვის. აღსანიშნავია, რომ კაზემირო პრო ლიგის ყველაზე მაღალანაზღაურებადი ფეხბურთელების ხუთეულში მოხვდება, თუ ის მისით დაინტერესებულ „ალ-ნასრში“ გადასვლას დათანხმდება.

მანამდე გავრცელდა ინფორმაცია, რომ რიადის გუნდის ხელმძღვანელობამ გაიგო ნახევარმცველის კრიშტიანუ რონალდუსთან კარგი ურთიერთობის შესახებ, რაც ზრდის ტრანსფერის ალბათობას.

გასულ ზაფხულს „ალ იტიჰადს“ ბრაზილიელის შეძენა სცადა, მაგრამ საუდის კლუბი მზად არ იყო ფეხბურთელისთვის მოთხოვნილი 70 მილიონი ევრო გადაეხადა.

მიმდინარე სეზონში 32 წლის კაზემირომ ყველა ტურნირზე „იუნაიტედის“ 22 მატჩში მიიღო მონაწილეობა, რომლებშიც ბრაზილიელმა სამი გოლი გაიტანა. ფეხბურთელის ამჟამინდელი კონტრაქტი კლუბთან 2026 წლის ზაფხულამდეა ძალაში.