ფედერიკო კიეზას აგენტმა ფალი რამადანიმ განაცხადა, რომ მიმდინარე სატრანსფერო პერიოდში მისი კლიენტი „ლივერპულს“ არ დატოვებს.

რამადანიმ არ დაადასტურა ცნობები, რომლის მიხედვითაც კიეზა შეიძლებოდა „ნაპოლიში“ გადასულიყო.

„ნაპოლი“ არ აწარმოებს მოლაპარაკებებს მიმდინარე სატრანსფერო პერიოდში და „ლივერპულიც“ არ არის დაინტერესებული ფეხბურთელის გაშვებით. ის რჩება „ლივერპულში“ და დაელოდება თავის შანსს. ეს არის ის, რისი დადასტურებაც ახლა შემიძლია“, - თქვა რამადანიმ.

შეგახსენებთ, რომ ფედერიკო კიეზა „ლივერპულმა“ გასულ ზაფხულს ტურინის „იუვენტუსიდან“ 13 მილიონ ევროდ შეიძინა, მაგრამ იტალიელმა მხოლოდ ოთხ შეხვედრაში მიიღო მონაწილეობა და 1 საგოლე პასი მიითვალა.