დორტმუნდის "ბორუსიას" ნიდერლანდელი ფეხბურთელი დონიელ მალენი ახლოსაა კარიერის ინგლისის პრემიერლიგაში გაგრძელებასთან.

გერმანულ პრესაში გავრცელებული ინფორმაციით "ასტონ ვილასა" და ნიდერლანდელ ფეხბურთელს შორის სიტყვიერი შეთანხმება უკვე მიღწეულია და ინგლისური კლუბი მოლაპარაკებებს ახლა "დორტმუნდის" მესვეურებთან მართავს, როგორც ირკვევა გერმანული მხარე ფეხბურთელის სანაცვლოდ 30 მილიონს ითხოვს.

შეგახსენებთ, რომ დონიელ მალენი დორტმუნდის "ბორუსიას" ღირსებას 2021 წლის ზაფხულიდან იცავს. მას მიმდინარე სეზონში, ყველა ტურნირზე 20 მატჩი აქვს ჩატარებული და მის ანგარიშზე 5 გოლი და 1 საგოლე გადაცემაა.