მანჩესტერ "იუნაიტედის" 22 წლის ფეხბურთელი ამად დიალო "ლივერპულთან" (2:2) გატანილი გოლით კლუბის ისტორიაში შევიდა.

საქმე ისაა, რომ დიალო გახდა მე-3 ფეხბურთელი, რომელმაც ერთ სეზონში სტუმრად გაუტანა, როგორც მანჩესტერ "სიტის", ისე "ლივერპულს". აქამდე ეს მხოლოდ ორ ფეხბურთელს ჰქონდა გაკეთებული, უვეინ რუნის (2004-2005) და რობინ ვან პერსის (2012-2013) წლების სეზონში.

ამად დიალომ მიმდინარე პრემიერლიგის სეზონში "წითელი ეშმაკების" მაისურით 18 მატჩში მიიღო მონაწილეობა და მის ანგარიშზე 3 გატანილ გოლთან ერთად, 6 საგოლე გადაცემაა.