„ალ-ნასრის“ ფეხბურთელმა კრიშტიანუ რონალდუმ განაცხადა, რომ საუდის არაბეთში ბედნიერია და კლუბში დარჩენას აპირებს. პორტუგალიელის მიზანია „ალ-ნასრს“ აზიის ჩემპიონთა ლიგა მოაგებინოს.

„ბედნიერი ვარ საუდის არაბეთში ცხოვრებით და ჩემი ოჯახიც ბედნიერია. ამ მშვენიერ ქვეყანაში ახალი ცხოვრება დავიწყეთ.

უნდა ვიმუშაოთ, პატივი ვცეთ კლუბს, კონტრაქტს და უნდა გჯეროდეს, რომ ყველაფერი შეიცვლება, „ალ-ნასრმა“ მეტი ტიტულის მოგება უნდა სცადოს. აზიის ჩემპიონთა ლიგა არის ის, რისი მოგებაც კლუბისთვის მინდა. დავეხმარები „ალ-ნასრს“ ტიტულების მოგებაში, მჯერა, რომ ეს წელი გუნდისთვის კარგი იქნება“, - თქვა რონალდუმ.

შეგახსენებთ, რომ კრიშტიანუ რონალდუ „ალ-ნასრში“ 2023 წლიდან თამაშობს და 89 შეხვედრაში 80 გოლი აქვს გატანილი.