„ფიორენტინას“ მთავარმა მწვრთნელმა რაფაელე პალადინომ „ნაპოლისთან“ მატჩამდე პრესკონფერენციაზე ისაუბრა.

როგორც მან აღნიშნა, მეტოქე ძალიან ძლიერია და სკუდეტოს მოგების კანდიდატია, მაგრამ სწორედ ასეთ მეტოქეებთან სურს „ფიორენტინას“ თავის კარგად წარმოჩენა.

„ნაპოლი“ პირველ ადგილზეა, ჩემპიონატში საუკეთესო დაცვა ჰყავს (ყველაზე ნაკლები გაშვებული გოლი - რედ), შესანიშნავი მწვრთნელით, დიდი ფეხბურთელებით და ბევრი ახალწვეულით: „ნაპოლი“ სკუდეტოს კანდიდატია. ვიცით მათი ძალა, მაგრამ გუნდს კონკურენცია გავუწიოთ ასეთ ძლიერ გუნდებს. ეს ადვილი არ იქნება, მაგრამ გვინდა ჩვენი გულშემატკივრები გავახაროთ.

კონტეს დიდი ხანია ვიცნობ, ის საფეხბურთო კარიერას ასრულებდა, მე ვიწყებდი, როცა პირველად შევხვდი. ყოველთვის მაოცებდა მისი მენტალიტეტი, ის იყო პირველი, ვინც სპორტდარბაზში შედიოდა და ბოლო, ვინც ტოვებდა. ეს მენტალიტეტი მწვრთნელობაშიც გადაიტანა, გამარჯვებულია და გამარჯვებულებისგან შეგვიძლია ვისწავლოთ, მას დიდ პატივს ვცემ“, - თქვა პალადინომ.

შეგახსენებთ, რომ „ფიორენტინა“ – „ნაპოლის“ მატჩი 4 იანვარს, თბილისის დროით 21:00 საათზე გაიმართება, ხოლო ხვიჩა კვარაცხელია ტრავმის გამო მოედანზე ვერ გავა.