საქართველოს ეროვნული ნაკრების ფეხბურთელი ბუდუ ზივზივაძე "კარლსრუედან" კარიერას გერმანიის ბუნდესლიგის კლუბ "ჰაიდენჰაიმში" გააგრძელებს.

აღნიშნულ ინფორმაციას გერმანული გამოცემები ავრცელებენ. მათი თქმით მხარეებს შორის ყველა დეტალი შეთანხმებულია და ტრანსფერი უახლოეს დღეებში გაოფიციალურება.

ეს ინფორმაცია ასევე დაადასტურა ბუდუს მამამ, კახა ზივზივაძემ, რომელმაც მის სოციალურ ქსელში პოსტი დაწერა.

"პირველ რიგში ბედობას გილოცავთ. ბუდუმ აირჩია ფეხბურთი და მივდივართ ბუნდესლიგაში. იყო ჩინური და კორეული ვარიანტები და დავდექით დილემის წინაშე: ფული თუ ფეხბურთი? ბუდუმ აირჩია ფეხბურთი!" - წერს კახა ზივზივაძე.

"ჰაიდენჰაიმი" ბუნდესლიგის გათამაშებაში 10 ქულით მე-16 ადგილზეა და დასარჩენად იბრძვის.

შეგახსენებთ, რომ ბუდუ ზივზივაძემ ბუდესლიგა II-ში "კარლსრუეს" მაისურით 12 გოლი გაიტანა და ბომბარდირთა დავას ლიდერობს.