„მანჩესტერ სიტის“ მთავარი მწვრთნელი პეპ გვარდიოლა იანვარში შემადგენლობის გაძლიერებას ითხოვს. როგორც ესპანელმა სპეციალისტმა აღნიშნა, გუნდს რამდენიმე პოზიციაზე გაძლიერება და ახალი ფეხბურთელები სჭირდება.

„ზოგიერთ პოზიციაზე გაძლიერება გვჭირდება. როცა ყველა ფორმაშია, ჩვენ ისეთივე გუნდი ვართ, როგორიც ადრე ვიყავით, მაგრამ ძალიან რთულია, როდესაც მნიშვნელოვანი ფეხბურთელები კვირებით და თვეებით ტრავმირებული არიან.

დაცვის ცენტრში პრობლემები გვაქვს, ეს პოზიცია უნდა გავაძლიეროთ, ასევე, ნახევარდაცვის საყრდენი ზონა. ვნახოთ, იანვრის სატრანსფერო ბაზარზე რისი გაკეთება შეგვიძლია“, - აღნიშნა პეპმა.

შეგახსენებთ, რომ „მანჩესტერ სიტიმ“ ყველა ტურნირზე ჩატარებული ბოლო 14 მატჩიდან მხოლოდ 2 მოიგო, 3-ჯერ ფრეს დასჯერდა და 9 თამაში წააგო.