იტალიის სერია A-ს მე-18 ტურში „მილანი“ „რომას“ დაუხვდა და გუნდებმა ქულები გაიყვეს.

„როსონერი“ მე-16 წუთზე ტიჯანი რეინდერსის გოლით დაწინაურდა, მაგრამ 7 წუთში პაულო დიბალამ ძალიან ლამაზი გოლი გაიტანა და წონასწორობა აღადგინა. დარჩენილ დროში არაფერი შეცვლილა. მეორე გოლთან და შესაბამისად, მოგებასთან უფრო ახლოს „რომა“ იყო, მაგრამ შეხვედრა ფრედ 1:1 დასრულდა.

„მილანი“ 27 ქულით მერვე ადგილზეა, ხოლო „რომას“ 20 ქულა აქვს და მე-10 პოზიციას იკავებს.