„ალ-ნასრის“ თავდამსხმელმა კრიშტიანუ რონალდუმ კარლო ანჩელოტიზე ისაუბრა და განაცხადა, რომ „რეალის“ წარმატების მთავარი გასაღები იტალიელი სპეციალისტია.

როგორც რონალდუმ თქვა, ანჩელოტიმ იცის, როგორ უნდა იმუშაოს ფეხბურთელებთან:

„ანჩელოტი შესანიშნავი მწვრთნელია. ჩემთვის ყველაზე მნიშვნელოვანი ისაა, თუ როგორ მუშაობ ფეხბურთელებთან, კარლო კი, ჩემი აზრით, ერთ-ერთია, ვინც ფეხბურთელებთან მუშაობა იცის. ვფიქრობ, ის იყო და არის „რეალის“ წარმატების გასაღები. შემთხვევითი არაა, რომ კლუბმა ბოლო წლებში ამდენი ტიტული მოიგო. ამას რაღაც უჩვეულო და განსაკუთრებული სჭირდება, ეს კი, კარლოს აქვს. ის არა მხოლოდ კარგი ადამიანია, არამედ შესანიშნავი მწვრთნელიც და ეს ძალიან მნიშვნელოვანია“, - თქვა რონალდუმ.

შეგახსენებთ, რომ კრიშტიანუ რონალდუ კარლო ანჩელოტისთან ერთად „რეალში“ 2013-2015 წლებში მუშაობდა.