„ინტერმა“ იტალიის სერია A-ს მე-18 ტურში სტუმრად „კალიარი“ ძალიან ადვილად 3:0 დაამარცხა და მორიგი გამარჯვება მოიპოვა.

სიმონე ინძაგის გუნდს მეტოქემ მხოლოდ პირველი ტაიმი გაუწია წინააღმდეგობა, მეორე ნახევარში მილანელებმა სარდინიელებს უბრალოდ შანსი არ დაუტოვეს.

ალესანდრო ბასტონიმ, ლაუტარო მარტინესმა და ჰაკან ჩალჰანოღლუმ სამჯერ გაიტანეს და „ნერაძურიმ“ ზედიზედ მეექვსე გამარჯვება მოიპოვა სერია A-ში.

„ინტერმა“ 40 ქულა დააგროვა და ამ დროისთვის „ატალანტასთან“ ერთად ლიდერია, ხოლო მომდევნო ტურში 12 იანვარს, „ვენეციას“ ესტუმრება.