მიუნხენის „ბაიერნისა“ და გერმანიის ნაკრების ნახევარმცველი იოზუა კიმიხი შესაძლოა მადრიდის „რეალის“ ფეხბურთელი გახდეს. ამის შესახებ ჟურნალისტმა ფლორიან პლეტენბერგმა სოციალურ პლატფორმა X-ზე (ყოფილი ტვიტერი) დაწერა.
წყაროს ცნობით, „სამეფო კლუბის“ ხელმძღვანელობა ყურადღებით აკვირდება „ბაიერნში“ არსებულ ვითარებას და მზად არის გერმანელს კონტრაქტი შესთავაზოს. „რეალში" მიაჩნიათ, რომ ფეხბურთელი შეიძლება გახდეს ათი ყოფილი შუახაზელის, ტონი კროოსის შემცვლელი, რომელმაც კარიერა გასულ ივლისს დაასრულა.
მანამდე ცნობილი გახდა, რომ „ბაიერნი“ იანვარში ელოდება კიმიხის გადაწყვეტილებას კონტრაქტის გახანგრძლივების შესახებ. ნახევარმცველს კლუბთან მოქმედი ხელშეკრულება მიმდინარე სეზონის ბოლომდე აკავშირებს.
