ინგლისური „ლივერპული“ და „მანჩესტერ სიტი“ „ტორინოს“ ნახევარმცველ სამუელე რიკის ადევნებენ თვალს - წერს ჟურნალისტი ეკრემ კონური სოციალურ პლატფორმა X-ზე (ყოფილი ტვიტერი).

ასევე აღნიშნულია, რომ ტურინული გუნდის ხელმძღვანელობამ იცის რიკის მიმართ ევროპული კლუბების სკაუტების მზარდი რაოდენობა. მანამდე იტალიური კლუბის პრეზიდენტმა ურბანო კაირომ განაცხადა, რომ ცენტრალური ნახევარმცველი არ იყიდება.

23 წლის რიკი იტალიური „ემპოლის“ აღზრდილია. 2022 წლის იანვარში ნახევარმცველი იჯარით „ტორინოში“ გადავიდა, იმავე წლის ზაფხულში კი ტურინულმა კლუბმა გამოისყიდა. მიმდინარე სეზონში ფეხბურთელმა ყველა ტურნირზე 19 მატჩში მიიღო მონაწილეობა, რომლებშიც ერთი საგოლე გადაცემა შეასრულა.