"ვალენსიას", რომლის ღირსებას გიორგი მამარდაშვილი იცავს, ახალი მთავარი მწვრთნელი ჰყავს.

აღნიშნულ ინფორმაციას ესპანური კლუბის ოფიციალური ვებ გვერდი ავრცელებს. როგორც ცნობილი ხდება "ღამურებს" 41 წლის ესპანელი სპეციალისტი, კარლოს კორბერანი უხელმძღვანელებს.

ესპანელი მწვრთნელი მიმდინარე სეზონში ინგლისური „ვესტ ბრომვიჩს“ წვრთნიდა, თუმცა "ვალენსიამ" მისი კონტრაქტი გამოისყიდა.

შეგახსენებთ, რომ კორბერანმა ამ პსოტზე რუბენ ბარახა შეცვალა, რომელიც არადამაკმაყოფილებელი შედეგების გამო გაანთავისუფლეს.

„ვალენსიამ“ 17 მატჩში 12 ქულა მოაგროვა და ლა ლიგის სატურნირო ცხრილში ბოლოსწინა, მე-19 ადგილზეა.