მადრიდის „ატლეტიკოს“ მთავარი მწვრთნელი დიეგო სიმეონე ესპანური ლა ლიგის დეკემბრის საუკეთესო მწვრთნელად აღიარეს. ამის შესახებ ლიგის პრესსამსახური იტყობინება.

სწორედ დეკემბერში მადრიდულმა კლუბმა მოიგო „სევილიასთან“ (4:3), „ხეტაფესთან“ (1:0) და „ბარსელონასთან“ (2:1). კატალონიელებთან გამარჯვების შემდეგ, მადრიდელები ქვეყნის ჩემპიონატის ცხრილში გალიდერდნენ.

აღსანიშნავია, რომ თვის საუკეთესო მწვრთნელის ჯილდოზე ასევე წარდგენილნი იყვნენ დიეგო მარტინესი („ლას პალმასი“) და ერნესტო ვალვერდე („ატლეტიკი“).

შეგახსენებთ, რომ სიმეონე გუნდს 2011 წლიდან ხელმძღვანელობს. არგენტინელმა სპეციალისტმა ეს ჯილდო ამ სეზონში პირველად მიიღო.