იტალიის ნაკრების მწვრთნელი ლუჩანო სპალეტი დარწმუნებულია, რომ „ნაპოლი“ იტალიის ჩემპიონატის მოსაგებად ბოლომდე იბრძოლებს.

„ნეაპოლი სპეციფიკური ადგილია, იქ გუნდის მართვა ფსიქოლოგიურადაც საჭიროა, არა მხოლოდ ტექნიკურად. „ნაპოლის“ შესანიშნავი სეზონი აქვს, ჩანს გუნდის მკაფიო იდენტობა, ისინი ძლიერები არიან, ძლიერი მწვრთნელი და ძალიან ძლიერი ხელმძღვანელობა ჰყავთ. არ ვიცი, „ნაპოლის“ სკუდეტოს მოგება შეუძლია თუ არა, მაგრამ ბოლომდე იბრძოლებს“, - აღნიშნა სპალეტიმ.

შეგახსენებთ, რომ „ნაპოლი“ 38 ქულით მეორე ადგილზეა და ორი ქულით ჩამორჩება „ატალანტას“.