„მანჩესტერ სიტის“ მთავარმა მწვრთნელმა ბირმინგემის „ასტონ ვილასთან“ მატჩის (1:2) შემდეგ კომენტარი გააკეთა.

როგორც მან თქვა, კრიზისის მიზეზი რამდენიმე პატარა ფაქტორია, თუმცა, ფიქრობს, რომ გამოსავალი ტრავმირებული ფეხბურთელების დაბრუნებაშია:

„დავიბრუნებთ თუ არა ძველ ფორმას? დიახ, ეს შეიძლება მოხდეს, ან არ მოხდეს,ყველაფერი ჩვენზეა დამოკიდებული. გამოსავალი ფეხბურთელების დაბრუნება იქნება. მხოლოდ ერთი ჯანმრთელი ცენტრალური მცველი გვყავს, რთული სიტუაციაა.

რა თქმა უნდა, კრიზისის სხვა მიზეზებიც არსებობს, გოლებს ადვილად ვუშვებთ, ისეთ გოლებს, რომელსაც ადრე არ ვუშვებდით, ვერ ვიტანთ ისეთ გოლებს, როგორებიც ადრე გაგვქონდა. ფეხბურთში ერთი მიზეზი არ არსებობს, ბევრი პატარა ფაქტორია.

„ასტონ ვილა“ ჩემპიონთა ლიგასა და პრემიერლიგაში კარგად თამაშობს, მის სტადიონზე თამაში რთულია. გასულ სეზონში პრემიერლიგა მოვიგეთ, მაგრამ ამ სტადიონზე წავაგეთ“, - თქვა გვარდიოლამ.

შეგახსენებთ, რომ „მანჩესტერ სიტი“ პრემიერლიგაში მეექვსე ადგილზეა. „ქალაქელებმა“ ყველა ტურნირზე ბოლო 12 მატჩიდან 9 წააგეს (1 მოგება, 2 ფრე).