„ჩელსის“ მცველმა ჯოშ აჩემპონგმა კლუბთან ახალი კონტრაქტი გააფორმა. ამის შესახებ ჩელსის ოფიციალური საიტი იტყობინება.

„ჩელსი“ სიამოვნებით აცხადებს, რომ მცველმა ჯოშ აჩემპონგმა ახალი კონტრაქტი გააფორმა 2029 წლამდე. ჯოში „ლურჯების“ განვითარების ცენტრის პროგრამას 8 წლის ასაკში შეუერთდა და შემდეგ კლუბის ასაკობრივ გუნდებში თამაშობდა.

ჯოშის დებიუტი პირველ გუნდში გასულ კვირას შედგა, როდესაც მან სასტარტოში დაიწყო კონფერენს ლიგის მატჩი ყაზახეთში „ასტანასთან.“ ითამაშა კვირასაც „ბრენტფორდთან“ პრემიერლიგის მე-16 ტურის შეხვედრაში. გილოცავთ ახალ კონტრაქტს, ჯოშ! - ნათქვამია კლუბის განცხადებაში.