კარლო ანჩელოტი მადრიდის „რეალის“ ისტორიაში ყველაზე ტიტულოვანი მწვრთნელი გახდა.

ფიფას საკონტინენტთაშორისო თასის მოგების შემდეგ ანჩელოტიმ მიგელ მუნიოსს გადაასწრო, რომელმაც 1959-1974 წლებში „სამეფო კლუბს“ 14 ტიტული მოაგებინა, ხოლო იტალიელმა 2013-2015 და 2021 წლიდან დღემდე „რეალს“ უკვე 15 ტიტული მოაგებინა.

ანჩელოტიმ „რეალს“ 3-3-ჯერ ჩემპიონთა ლიგა და ევროპის სუპერთასი, ორ-ორჯერ ლა ლიგა, ესპანეთის თასი, ესპანეთის სუპერთასი და მსოფლიოს საკლუბო ჩემპიონატი, ხოლო ერთხელ საკონტინენტთაშორისო თასი მოაგებინა. უნდა აღინიშნოს, რომ საკონტინენტთაშორისო თასი და ფიფას საკლუბო მსოფლიოს ჩემპიონატი იდეურად ერთი და იგივე ტურნირია.

„რეალის“ ისტორიაში ყველაზე ტიტულოვანი მწვრთნელების ხუთეული:

1. კარლო ანჩელოტი - 15 ტიტული (2013-2015, 2021-)

2. მიგელ მუნიოსი - 14 ტიტული (1959-1974)

3. ზინედინ ზიდანი - 11 ტიტული (2016-2018, 2019-2021)

4. ლუის მოლოვნი - 8 ტიტული (1974, 1977-1979, 1982-1986)

5. ვისენტე დელ ბოსკე - 7 ტიტული (1994, 1999-2003)