„ნაპოლის“ ფეხბურთელი ხვიჩა კვარაცხელია მოედანზე 2025 წლამდე არ დაბრუნდება. ამის შესახებ ინფორმაციას La Repubblica ავრცელებს.

მიუხედავად იმისა, რომ იტალიურ მედიაში გავრცელდა ცნობები, რომ კვარა შეიძლება „ჯენოასთან“ მატჩში დაბრუნდეს, ცნობილი გამოცემა საპირისპირო ცნობას ავრცელებს და იტყობინება, რომ რისკზე წასვლას აზრი არ აქვს.

შესაბამისად, წყაროს თანახმად, კვარა „ჯენოასა“ და „ვენეციასთან“ მატჩებსაც გამოტოვებს, რაც ტრავმის მიღების მომენტიდან იყო ნავარაუდევი.

ქართველი ფეხბურთელი სათამაშოდ მზად სავარაუდოდ, 2025 წლის პირველ შეხვედრაში, 4 იანვარს, „ფიორენტინასთან“ იქნება.

შეგახსენებთ, რომ ხვიჩა კვარაცხელიამ „ლაციოსთან“ მატჩში მუხლის ტრავმა მიიღო და „უდინეზეს“ წინააღმდეგ თავის გუნდს ვერ დაეხმარა. მიმდინარე სეზონში კვარაცხელიას 15 მატჩში 5 გოლი აქვს გატანილი, ხოლო 3-ჯერ საგოლე პასი მიითვალა.