„ბარსელონა“ კრიზისშია, ლა ლიგის ბოლო ხუთ ტურში მხოლოდ 5 ქულა მოიპოვა, ამჯერად კი, მე-17 ტურში აუტსაიდერ „ლეგანესთან“ საკუთარ მოედანზე დამარცხდა.

„ლეგანესმა“ „ბარსას“ გოლი მეოთხე წუთზე გაუტანა, თავი სერხიო გონსალესმა გამოიჩინა და შემდეგ უპირატესობა შეინარჩუნეს. ჰანსი ფლიკის გუნდი მთელი თამაშის განმავლობაში უშედეგოდ უტევდა და 0:1 წააგო.

„ბარსელონას“ 38 ქულა აქვს და მადრიდის „ატლეტიკოსთან“ ერთად იყოფს ლიდერობას, რომელსაც მომდევნო ტურში, 21 დეკემბერს შეხვდება. იქვეა „რეალიც“ 37 ქულით. აღსანიშნავია, რომ „რეალს“ და „ატლეტიკოს“ „ბარსელონასთან“ შედარებით თამაშით ნაკლები აქვთ ჩატარებული.