„მანჩესტერ სიტის“ მთავარმა მწვრთნელმა პეპ გვარდიოლამ „მანჩესტერ იუნაიტედთან“ დერბის წინ კომენტარი გააკეთა.

„ამ სეზონში ოქროს ბურთის მფლობელის, როდრის და ინგლისის პრემიერლიგის გასული სეზონის საუკეთესო ფეხბურთელის, ფოდენის გარეშე ვთამაშობთ. არც ერთ გუნდს არ შეუძლია ითამაშოს ასეთი ორი ფეხბურთელის, ასევე, ცენტრალური მცველების გარეშე მთელი სეზონის განმავლობაში.

ტრანსფერები იანვარში? ძალიან მინდა, ჩემი ფეხბურთელების დაბრუნება, ძალიან მინდა იმ შემადგენლობით თამაში, რომელიც სეზონის დასაწყისში გვყავდა. ყოველთვის ვამბობდი, რომ ეს ფეხბურთელები მინდა და არა ახლები, მაგრამ ზოგჯერ საჭიროა, სიტუაციით სარგებლობა, ვნახოთ, რა იქნება იანვარში.

ამორიმი? რა თქმა უნდა, ის კარგად მუშაობს და „მანჩესტერში“ მისი გავლენა უკვე არსებობს“, - თქვა გვარდიოლამ.

შეგახსენებთ, რომ „მანჩესტერ სიტის“ და „მანჩესტერ იუნაიტედის“ მატჩი 15 დეკემბერს, თბილისის დროით 20:30 საათზე გაიმართება.