„ნაპოლის“ მთავარმა მწვრთნელმა ანტონიო კონტემ „უდინეზესთან“ მატჩამდე ისაუბრა.

როგორც მან თქვა, ჯერ არ მიუღია გადაწყვეტილება, თუ ვინ ითამაშებს ხვიჩა კვარაცხელიას ნაცვლად, რომელსაც ტრავმა აქვს:

„ხვალ ნახავთ, ჯერ არ გადამიწყვეტია ვინ გავა მოედანზე. მატჩის დღეს გაიგებთ ჩემს არჩევანს, რადგან დილით ვარჯიში ჯერ კიდევ გვაქვს.

გუნდის მენტალიტეტი უნდა გაიზარდოს, ყოველი დაცემა უნდა დაგვეხმაროს ამ მენტალიტეტის გაძლიერებაში. ვნახოთ, ბოლო მარცხის შემდეგ რა რეაქცია გვექნება - ნაბიჯს წინ გადადგამთ, უკან თუ იმავე ადგილას დავრჩებით“, - თქვა კონტემ.

შეგახსენებთ, რომ „უდინეზე“ – „ნაპოლის“ მატჩი 14 დეკემბერს, თბილისის დროით 21:00 საათზე გაიმართება.