იტალიის ნაკრების ყოფილმა მთავარმა მწვრთნელმა ჩეზარე პრანდელიმ ხვიჩა კვარაცხელიას დანაკლისზე ისაუბრა.

როგორც მან თქვა, ეს შეიძლება „ნაპოლისთვის“ უკეთესიც იყოს:

„კვარაცხელიას არყოფნა რა თქმა უნდა, მძიმეა, მაგრამ „ნაპოლის“ კარგი შემადგენლობა ჰყავს, შესაბამისად, მისი შეცვლის შესაძლებლობა არსებობს. პარადოქსია, მაგრამ მისმა არყოფნამ შეიძლება „ნაპოლის“ შეტევაში უფრო მეტი არაპროგნოზირებადობა მისცეს“, - თქვა პრანდელიმ.

შეგახსენებთ, რომ ხვიჩა კვარაცხელია „ნაპოლის“ სავარაუდოდ „უდინეზეს“, „ჯენოას“ და „ვენეციას“ წინააღმდეგ ვერ დაეხმარება, ხოლო მოედანზე დაბრუნებას 2025 წელს, „ფიორენტინასთან“ ან „ვერონასთან“ მატჩში მოახერხებს.