„ბოტაფოგო“ ბრაზილიის ჩემპიონი გახდა და სეზონში დუბლი შეასრულა.

არტურ ჟორჟეს გუნდმა ცოტა ხნის წინ კოპა ლიბერტადორესი მოიგო, ისტორიაში პირველად, როცა ფინალში „ატლეტიკო მინეირო“ დაამარცხა, ახლა კი, ბრაზილიის ჩემპიონის ტიტულიც მოიპოვა.

ბოლო ტურში „ბოტაფოგომ“ „სან პაულუ“ 2:1 დაამარცხა და სეზონი 79 ქულით დაასრულა. თავის მხრივ, კონკურენტი „პალმეირასი“ ბოლო ტურში „ფლუმინენსთან“ 0:1 დამარცხდა და საბოლოოდ, „ბოტაფოგოს“ 6 ქულით ჩამორჩა.

„ბოტაფოგო“ ბრაზილიის ჩემპიონი ისტორიაში მესამედ გახდა - 1968, 1995 და 2024 წლებში.