„მანჩესტერ სიტიმ“ 7-მატჩიანი წარუმატებელი სერია შეწყვიტა და პრემიერლიგის მე-14 ტურში „ნოტინგემ ფორესტი“ 3:0 დაამარცხა.

ბერნარდო სილვამ, კევინ დე ბრუინმა და ჟერემი დოკუმ გაიტანეს. ამგვარად, „სიტიმ“ 26 ოქტომბრის მერე პირველად მოიგო - შეწყვიტა პრემიერლიგაში ზედიზედ 4-მატჩიანი წაგებების სერია, ყველა ტურნირზე 7-მატჩიანი მოუგებელი სერია - 1 ფრე, 6 წაგება.

„სიტის“ 26 ქულა დაუგროვდა და ჯერ ისევ მეოთხე ადგილზეა, თუმცა, ლიდერ „ლივერპულთან“ ჩამორჩენა 9 ქულამდე შეამცირა, რადგან არნე სლოტის გუნდმა ვერ მოიგო.

„ლივერპულის“ დიდებული სერია „სენტ ჯეიმს პარკზე“ „ნიუკასლთან“ შეწყდა, სადაც „ჯორდები“ ორჯერ იგებდნენ, შემდეგ 83-ე წუთზე ჩამორჩნენ ანგარიშში (2:3), მაგრამ ბოლოს მაინც გაათანაბრეს და „ლივერპულს“ ქულები დააკარგვინეს.

„ლივერპული“ 35 ქულით მაინც დამაჯერებლად ლიდერობს პრემიერლიგას, ხოლო „ნიუკასლი“ 20 ქულით მეათე ადგილზეა.

ისევ მოიგო ლონდონის "ჩელსიმ", რომელმაც სტუმრად "საუთჰემპტონი" 5:1 გაანადგურა და 28 ქულა დაურგოვდა. ენცო მარესკას გუნდმაც ორი ქულით შეამცირა "ლივერპულთან" ჩამორჩენა და სხვაობა ახლა 7 ქულაა.

„ნიუკასლი“ – „ლივერპული“ 2:3 (1:0)

გოლები: 1:0 ისაკი (35), 1:1 ჯონსი (50), 2:1 გორდონი (62), 2:2 სალაჰი (68), 2:3 სალაჰი (83), 3:3 შერი (90)

„მანჩესტერ სიტი“ – „ნოტინგემი“ 3:0 (2:0)

გოლები: 1:0 ბერნარდო სილვა (8), 2:0 დე ბრუინი (31), 3:0 დოკუ (57)