„ბაიერნის“ მთავარმა მწვრთნელმა, ვენსან კომპანიმ, გუნდის საუკეთესო თავდამსხმელის, ჰარი კეინის ტრავმის შესახებ ისაუბრა.

„ძნელია პროგნოზირება, მაგრამ არის შესაძლებლობა, რომ კეინი მაინც ითამაშებს წლეულს. თუმცა, თავიდან რამდენიმე თამაშს გამოტოვებს. მისი სრულფასოვნად შეცვლა გამორიცხულია, ის ტოპ მოთამაშეა, მაგრამ ამ სიტუაციიდან სხვა გამოსავალს ვიპოვით“, - ციტირებს კომპანის სიტყვებს კლუბის ოფიციალური ვებ-გვერდი.

მანამდე გავრცელდა ინფორმაცია, რომ 31 წლის ინგლისელი დორტმუნდის „ბორუსიასთან“ ბუნდესლიგის მე-12 ტურის მატჩში ბარძაყის კუნთის დაჭიმვის გამო, მინიმუმ ორ კვირას გამოტოვებს.

10 დეკემბერს „ბაიერნი“ ჩემპიონთა ლიგის მე-6 ტურში „შახტარს“ დაუპირისპირდება.

31 წლის კეინმა მიმდინარე სეზონში 24 მატჩში 23 ბურთი გაიტანა და 9 საგოლე გადაცემა შეასრულა.