ვეტერანმა იტალიელმა ფეხბურთელმა ფაბიო კანავარომ სკუდეტოსთვის ბრძოლაზე კომენტარი გააკეთა.

როგორც მან თქვა, ფავორიტად „ინტერი“ რჩება, მაგრამ „ნაპოლის“ შეუძლია ტიტულისთვის ბოლომდე ბრძოლა.

„რა თქმა უნდა, საინტერესო სეზონია, რადგან წელს არ არის გუნდი, რომელიც სხვებისგან გაქცეულია. ჩემი აზრით, „ინტერი“ ჩემპიონობისთვის ყველაზე მეტად და კარგადაა აღჭურვილი და ჩემპიონთა ლიგის შედეგებითაც ჩანს. შემდეგ მოდის „ნაპოლი“, რომელმაც აჩვენა სიმყარე და გამარჯვების მოპოვების მკაფიო სურვილი, ეს არის მნიშვნელოვანი გზავნილი, რომელიც კონტეს გუნდმა კონკურენტებს გაუგზავნა“, - თქვა კანავარომ.

შეგახსენებთ, რომ სერია A-ს 13 ტურის შემდეგ „ნაპოლი“ ლიდერობს, მაგრამ მხოლოდ ერთი ქულით უსწრებს „ინტერს“, „ატალანტას“, „ფიორენტინას“ და „ლაციოს“.